Boka Xuniors sport direktori lavozimiga Marselo Delgado keldi

Argentina grandi “Boka Xuniors” klubda yangi sport direktori tayinlanganini e’lon qildi. Ushbu vazifani Marselo Delgado bajaradi va u klub prezidenti Xuan Rikelme bilan yaqin hamkorlikda ishlaydi. Bu haqda euro-football.ru xabar beradi.

Jamoa tarkibini tez fursatda kuchaytirish zarurati borligi ta’kidlanmoqda. Shu bois Delgado va Rikelme oldida transferlar bozorida qisqa muddatda aniq yechimlar topish vazifasi turibdi.

Delgado futbolchi sifatida ham boy tajribaga ega: u Argentina terma jamoasi safida 1995–2002 yillarda 18 ta uchrashuvda maydonga tushgan va 1998 yilgi jahon chempionatida ham qatnashgan. Shuningdek, 2003 yilda u “Santos” hujumchisi Rikardo Oliveyra bilan birga Libertadores kubogi to‘purari bo‘lgan.