Renn PSJ ustidan g'alabadan keyin yangi murabbiy tayinladi

Fransiya Ligasida ketma-ket uchta mag'lubiyatdan so'ng «Renn» bosh murabbiy Habib Beyeni lavozimidan bo'shatdi. Shundan keyin jamoani vaqtincha yoshlar tarkibi ustozi boshqardi va «qizil-qoralar» kutilmaganda «PSJ»ni 3:1 hisobida taslim etdi. Bu haqda euro-football.ru xabar beradi.

Chorshanba kuni klub yangi bosh murabbiy nomini rasman e'lon qildi — «Renn»ni endi Frank Ez boshqaradi. 54 yoshli mutaxassis bilan tuzilgan shartnoma 2027 yilning o'rtalarigacha mo'ljallangan.

Frank Ez avvalroq bir qator fransuz klublarida ishlab, xususan, «Lans» va «Nitstsa»dagi faoliyati bilan tanilgan.

Hozirda «Renn» Fransiya chempionati turnir jadvalida 6-o'rinda bormoqda. Jamoa navbatdagi uchrashuvini 22 fevral kuni safarda «Oser»ga qarshi o'tkazadi.