Kivu Interning Budo-Glimtga mag'lubiyatini izohladi
Milaning «Inter» jamoasi bosh murabbiyi Kristian Kivu Chempionlar ligasi pley-off bosqichidagi ilk uchrashuvda Norvegiyaning «Budo-Glimt» klubidan 1:3 hisobida yutqazib qo'yilganidan so'ng fikr bildirdi. Bu haqda euro-football.ru xabar beradi.
Uchrashuvning birinchi bo'limi 1:1 hisobida yakunlandi. Ikkinchi taymda esa mezbonlar ketma-ket ikki bor raqib darvozasini ishg'ol etib, qarama-qarshilikning yaqqol favoriti sanalgan «Inter»ni taslim qildi.
«Bunday maydonda o'ynash oson emasdi, ammo bu bahona bo'la olmaydi. «Budo-Glimt» bizga muammo tug'dirishi mumkinligini bilganmiz, lekin oldinda «San-Siro»dagi javob o'yini bor. Hali hech narsa yo'qotilgani yo'q», — dedi Kivu jurnalistlar bilan suhbatda.
1/8 final yo'llanmasi taqdiri 24 fevral kuni Milanda bo'lib o'tadigan javob bahsida hal bo'ladi.
