Di Mariya Argentina chempionatida simulyatsiya ayblovlari ostida qoldi

Anxel di Mariya vatanga qaytgach, ilk o'yinlarda ijobiy taassurot qoldirdi. Biroq keyingi haftalarda uning atrofida bahslar kuchaydi: muammo natijalardan ko'ra ko'proq raqiblar va muxlislarning noroziligi bilan bog'liq. Bu haqda euro-football.ru xabar beradi.

Argentina chempionati muhokama qilinadigan forumlarda «Rosario Sentral» futbolchisi tez-tez yiqilib, jarima zarbasi yoki penalti so'rashga urinayotgani tanqid qilinmoqda. Fikr bildirganlar di Mariyani yulduz futbolchi sifatida tan olgan holda, uning maydondagi harakatlari hakamlar tomonidan yetarlicha jilovlanmayotganini, bunday epizodlar esa o'yin tomoshasini buzayotganini yozishmoqda.