Radimov Italiya terma jamoasi saviyasini past baholadi
Sankt-Peterburgning "Zenit" klubida to'p surgan, hozirda futbol eksperti sifatida faoliyat yuritayotgan Vladislav Radimov Italiya futboli va milliy jamoa darajasi haqida fikr bildirdi. Bu haqda euro-football.ru xabar beradi.
Uning aytishicha, Italiya futboli hozir inqiroz bosqichida: klublar tarkibidagi legionerlar hisobiga natija chiqarib turibdi, biroq terma jamoaning umumiy saviyasi past va jamoa Jahon chempionatiga chiqa olmay qolish xavfi bilan yuzma-yuz.
Eslatib o'tamiz, Italiya terma jamoasi 2026 yilgi Jahon chempionatiga to'g'ridan-to'g'ri yo'llanma ola olmadi. Jennaro Gattuzo boshchiligidagi jamoa endi yo'llanma uchun pley-off uchrashuvlarida maydonga tushadi.
2026 yilgi mundial yozda Shimoliy Amerikada o'tkaziladi. Nufuzli turnirga AQSH, Kanada va Meksika mezbonlik qiladi.
