Shomurodov Turkiya chempionatining eng sermahsul futbolchisiga aylandi
Oʻzbekiston terma jamoasi hujumchisi va “Istanbul Basakshehir” klubi futbolchisi Eldor Shomurodov Turkiya chempionatida eng sermahsul oʻyinchi sifatida peshqadamlik qilmoqda. Bu haqda euro-football.ru xabar beradi.
21-fevral holatiga ko‘ra, Shomurodov “gol+pas” tizimida 20 ochko jamg‘ardi: 16 ta gol va 4 ta golli uzatma. Shu ko‘rsatkich bilan u turnirning eng yaxshi to‘purarlar ro‘yxatida birinchi o‘rinda bormoqda.
“Galatasaray” yulduzlari bilan taqqoslanganda ham Eldor ancha oldinda: Mauro Ikardi barcha musobaqalarda 13 ta gol urgan bo‘lsa, Viktor Osimhen milliy chempionat doirasida 9 ta gol bilan kifoyalangan.
Eslatib o‘tamiz, Shomurodov to‘p suradigan Oʻzbekiston terma jamoasi 2026-yil Shimoliy Amerikada o‘tkaziladigan jahon chempionatiga yo‘llanmani qo‘lga kiritgan.
