Kavani «Boka Xuniors»da qolishi tobora shubha ostida

Urugvaylik hujumchi Edinson Kavani «Boka Xuniors»ni tark etishi mumkin. Bunga sabab futbolchining o‘zi emas, balki klub atrofidagi bosim: uning o‘yini muxlislarni qoniqtirmayapti va tribunadan hushtaklar tobora ko‘paymoqda. Bu haqda euro-football.ru xabar beradi.

So‘nggi uchrashuvda Kavani zaxiraga olingan paytda ham muxlislar uni hushtakbozlik bilan kuzatdi. Biroq bu o‘zgarish natija bermadi: «Boka» «Platense» darvozasini ishg‘ol qila olmadi va bahs 0:0 hisobida yakunlandi.

Argentin OAVi endi Kavanining shartnomasi uzaytirilishi masalasiga juda ehtiyotkor yondashmoqda. Ustiga ustak, klub pargvaylik Adam Bareyroni tarkibga qo‘shib oldi va ko‘plar aynan u 39 yoshli tajribali futbolchini asosiy tarkibdan siqib chiqarishini kutmoqda.