Buffon Inter hujumchisi Esposito haqida yuksak fikr bildirdi

Italiya terma jamoasining sobiq darvozaboni Janluiji Buffon «Inter» hujumchisi Franchesko Pio Esposito haqida o‘z mulohazalarini aytib o‘tdi. Bu haqda euro-football.ru xabar beradi.

Buffonning ta’kidlashicha, Esposito ko‘pchilik kutganidan ham yuqori darajani ko‘rsatishi mumkin: «U sizning barcha kutganingizdan ham oshib ketadi. Agar men «Inter»da bo‘lganimda, tavakkal qilib unga ishonch bildirardim. U alohida yigit — kamtarligi bilan ajralib turadigan, haqiqiy professional», — deya Buffonning so‘zlarini Nerazzurri Society keltirdi.

Esposito «Inter» akademiyasi tarbiyalanuvchisi hisoblanadi. Joriy mavsumda 20 yoshli forvard barcha musobaqalarni qo‘shib hisoblaganda 35 uchrashuvda maydonga tushib, 7 ta gol urdi va 6 ta golli uzatmani amalga oshirdi.

Futbolchining «Inter» bilan amaldagi shartnomasi 2030 yilning o‘rtalarigacha mo‘ljallangan.