Buffon Inter hujumchisi Espozito haqida yuqori baho berdi

Italiya terma jamoasining sobiq darvozaboni Janluiji Buffon «Inter» hujumchisi Franchesko Pio Espozito haqida fikr bildirdi. Bu haqda euro-football.ru xabar beradi.

Buffonning ta’kidlashicha, yosh forvard barchaning kutganidan ham oshib tushishi mumkin. «Agar men “Inter”da bo‘lganimda, tavakkal qilib unga ishonch bildirardim. U o‘ziga xos yigit: haqiqiy professional va hayratlanarli darajada kamtar», — deya uning so‘zlarini Nerazzurri Society keltiradi.

Eslatib o‘tamiz, Espozito — «Inter» akademiyasi tarbiyalanuvchisi. Joriy mavsumda 20 yoshli hujumchi barcha musobaqalarda 35 o‘yinda maydonga tushib, 7 ta gol urdi va 6 ta golli uzatmani amalga oshirdi.

Espozitoning «Inter» bilan amaldagi shartnomasi 2030 yil o‘rtalarigacha mo‘ljallangan.