Finalissima uchun barcha chiptalar bir necha soatda sotildi
Oradan bir oy o‘tib, 27 mart kuni Ispaniya va Argentina terma jamoalari “Finalissima”da — Yevropa chempioni hamda jahon chempioni o‘rtasidagi superfinalda — to‘qnash keladi. Uchrashuv Qatarning Doha shahrida bo‘lib o‘tadi va o‘yinga mo‘ljallangan 88 966 ta chipta atigi bir necha soat ichida sotilib ketdi. Bu haqda euro-football.ru xabar beradi.
Lionel Messi va Lamin Yamal ishtirokidagi bellashuv muxlislar orasida juda katta qiziqish uyg‘otmoqda.
O‘yin o‘tkaziladigan arena ham ramziy ahamiyatga ega: aynan shu stadionda Argentina terma jamoasi jahon chempionati finalida fransuzlarni mag‘lub etgandi.
Eslatib o‘tamiz, yozda navbatdagi jahon chempionati start oladi: musobaqa 11 iyundan 19 iyulgacha davom etadi. Unda ilk bor 48 ta terma jamoa qatnashadi.
