Enrike PSJning hozirgi holatini futbolchilar charchogʻi bilan izohladi
PSJ bosh murabbiyi Luis Enrike jurnalistlar bilan muloqotda jamoaning ayni paytdagi jismoniy va ruhiy holati haqida fikr bildirdi. Bu haqda euro-football.ru xabar beradi.
Ispaniyalik mutaxassis 2024-2025 yilgi muvaffaqiyatli mavsumdan keyin parijliklar avvalgidek kuchli ko‘rinmayotganini ta’kidladi.
«Bu mavsumda barcha futbolchilar doimo tayyor bo‘lishi mumkin emas. Bu imkonsiz. O‘tgan mavsumdagi yuklama va natijalar “haqi”ni to‘layapmiz. Futbolchilar — mashina emas», — deya Enrike so‘zlarini keltiradi L’Equipe.
Eslatib o‘tamiz, o‘tgan mavsum PSJ barcha asosiy sovrinlarni qo‘lga kiritdi: fransuz chempionati, Fransiya kubogi va Superkubogi, shuningdek, Chempionlar ligasida ham g‘olib bo‘ldi.
Hozirda Enrike jamoasi Liga 1 turnir jadvalida 54 ochko bilan peshqadam bo‘lib turibdi.
