Gvardiola Budyo-Glimt kuchini oldindan bilishmaganini aytdi
"Manchester Siti" bosh murabbiyi Xosep Gvardiola Chempionlar ligasida sensatsion yurish qilayotgan "Budyo-Glimt" haqida fikr bildirdi. Bu haqda euro-football.ru xabar beradi.
Norvegiyaliklar umumiy bosqichda "shaharliklar"ni 3:1 hisobida maglub etib, futbol jamoatchiligini hayratga soldi. Biroq, qogozda kamtar ko'ringan jamoaning katta natijalari shundan keyin ham davom etdi: "Budyo-Glimt" Madridda "Atletiko"ni 2:1 hisobida yengdi, keyin esa turnirdan "Inter"ni chiqarib yubordi — milanliklar ikki uchrashuvda ham maglub bo'ldi (3:1 va 2:1).
"Hozir hamma 'Budyo-Glimt' qaysi darajada o'ynayotganini ko'ryapti, shundaymi? Hamma: 'Voy, qanday jamoa!' deyapti. Ehtimol, ular biz bilan o'yin oldidan siz ham, muxlislar ham ularning 20 ta uchrashuvini sinchiklab tahlil qilmagandirsiz...", — dedi Gvardiola matbuot anjumanida. Murabbiy shu orqali Norvegiyadagi maglubiyatni ortiqcha sharmandalik sifatida baholash noto'g'ri bo'lganini kinoya qildi.
Chempionlar ligasi 1/8 finalida Gvardiola jamoasi Madridning "Real"i bilan to'qnash keladi, "Budyo-Glimt" esa Lissabonning "Sporting"iga qarshi maydonga tushadi.
