Messi Maradona bilan ilk tanishuvi qanday bo'lganini aytdi

Argentina hujumchisi Lionel Messi argentinalik futbol afsonasi Diyego Armando Maradona bilan birinchi marta qachon va qanday uchrashganini eslab o'tdi. Bu haqda euro-football.ru xabar beradi.

Messining so'zlariga ko'ra, ularning ilk tanishuvi televideniyeda, Maradonaning tashabbusi bilan Messi taklif etilgan «La noche del 10» ko'rsatuvi davomida bo'lib o'tgan.

«Taklifni oldim va, albatta, rad eta olmadim — bordim. U yerda otam, amakim va jiyanlarim ham bor edi. Ular ham Maradona bilan ko'rishishdi. Bu unutilmas lahza bo'lgan», — deya Messining fikrlarini derbyderbyderby.it keltiradi.

Eslatib o'tamiz, Maradona 2020 yil noyabr oyida vafot etgan.