Dortmund Borussiyasi so'nggi yetti yildagi eng yaxshi mavsumni o'tkazmoqda

Dortmundning «Borussiya»si Bundesliganing joriy mavsumida barqaror va ishonchli o'yini bilan e'tiborni tortmoqda. Bu haqda euro-football.ru xabar beradi.

23 turdan so'ng «asalarilar» Germaniya chempionati turnir jadvalida ikkinchi o'rinda bormoqda: jamoa 52 ochko jamg'argan. Bu ko'rsatkich klub uchun oxirgi yetti mavsum ichidagi eng yaxshisi hisoblanadi.

28 fevral, shanba kuni «Borussiya» 24-tur doirasida o'z maydonida «Bavariya»ni qabul qiladi. Uchrashuv 22:30 da (Toshkent vaqti bilan) boshlanishi rejalashtirilgan.

Markaziy bahs oldidan dortmundliklar peshqadam «Bavariya»dan sakkiz ochko ortda qolmoqda.