Galyardo ko‘z yosh bilan xayrlashdi Riverdan hech kim ketmaydi

Marcelo Galyardo murabbiy sifatidagi so‘nggi o‘yinini o‘tkazdi: uning jamoasi «Banfield»ga qarshi bahsda 3:1 hisobida g‘alaba qozonib, uch uchrashuvlik omadsiz seriyaga nuqta qo‘ydi. Bu haqda euro-football.ru xabar beradi.

Avvalgi ketma-ket mag‘lubiyatlar Galyardoning lavozimini saqlab qolishiga xalal bergani aytilmoqda, biroq klub unga munosib tarzda xayrlashish imkonini berdi. U esa uchrashuvdan keyingi chiqishi bilan barchani hayajonga soldi.

«Faqat rahmat. Sizlarning mehringizni so‘z bilan ifodalash qiyin. Men butunlay ketmayapman. «River»dan hech kim abadiy ketmaydi. Bu sehrli joy: ketsang ham, baribir klub bilan qolasan», — dedi Galyardo ko‘z yoshlarini yashirmay.

Eslatib o‘tamiz, Marcelo 90-yillarda klub safida ham, Argentina terma jamoasida ham to‘p surgan.