Noboa Rubinning Barselonadagi g'alabasi uchun ulkan bonusni aytdi
2009 yil oktyabrida Qozonning «Rubin» klubi Chempionlar ligasida kutilmagan natija qayd etib, «Kamp Nou»da «Barselona»ni 2:1 hisobida mag'lub etgandi. O'sha uchrashuv ishtirokchisi Kristian Noboa g'alaba ortidan berilgan mukofot pullari haqida esladi. Bu haqda euro-football.ru xabar beradi.
«Bu faoliyatimdagi eng katta premiyalar edi. Har bir futbolchi 80 ming dollar oldi», — deya Noboaning so'zlarini keltiradi «Sport-Ekspress».
Noboaning aytishicha, u bu mablag'ni sarflab yubormagan: hech narsa sotib olmagan va pulni jamg'arib qo'ygan, chunki o'shanda ham vazminroq yigit bo'lgan.
Eslatib o'tamiz, 2009/2010 yilgi Chempionlar ligasi guruh bosqichida «Rubin» o'z kvartetida uchinchi o'rinni egallagan. Guruhda «Barselona» va «Inter» yuqoriroq, Kiyevning «Dinamo»si esa pastroqda yakunlagan.
