Gvardiola Real bilan o'yin oldidan taqvimdan norozi

"Manchester Siti" bosh murabbiyi Xosep Gvardiola jamoasining o'yinlar taqvimi bo'yicha yana e'tiroz bildirdi. Bu haqda euro-football.ru xabar beradi.

Shanba kuni "shaharliklar" "Lids"ni minimal hisobda mag'lub etdi, chorshanba kuni esa "Nottingem Forest"ga qarshi bahs o'tkazadi. Keyinroq, 7 mart kuni Gvardiola jamoasi Angliya Kubogida "Nyukasl" bilan maydonga tushadi, oradan to'rt kun o'tib esa Chempionlar ligasi 1/8 finalining ilk uchrashuvida Madridda "Real"ga qarshi safar o'yinini o'tkazadi.

"Angliya Kubogidagi "Nyukasl"ga qarshi safar bahsimizni 15:00 o'rniga 22:00 ga (Toshkent vaqti bilan) qo'yganingiz uchun katta rahmat. Endi Madridga uchishdan oldin tiklanish uchun vaqtimiz yanada qisqaradi. Juda katta minnatdorchilik!" — deya Gvardiolaning so'zlarini keltiradi The Touchline.

"Manchester Siti" va "Real" o'rtasidagi javob uchrashuvi 17 martga belgilangan.