AFC Osiyo Chempionlar Ligasi o'yinlarini BAA va Qatarda ko'chirdi

Osiyo futbol konfederatsiyasi (AFC) mintaqaviy Osiyo Chempionlar Ligasi doirasidagi bir qator uchrashuvlar boshqa muddatga qoldirilganini ma'lum qildi. Bahslar Abu-Dabi, Dubay va Dohada o'tkazilishi kerak edi. Bu haqda euro-football.ru xabar beradi.

Qarorga Eron, AQSh va Isroil o'rtasidagi harbiy keskinlashuv sabab bo'ldi. Xabarda aytilishicha, raketa zarbalari qo'shni davlatlar hududiga ham yetib bormoqda, u yerda AQSh harbiy bazalari joylashgan.

AFC bayonotida konfederatsiya vaziyatni diqqat bilan kuzatishda davom etishi hamda futbolchilar, jamoalar, rasmiylar va muxlislar xavfsizligini ta'minlash masalasida qat'iy pozitsiyada ekani ta'kidlandi.

Uchrashuvlar 2 va 3 mart kunlari bo'lib o'tishi ko'zda tutilgandi. Hozircha o'yinlarning yangi sanasi yoki o'tkaziladigan joyi e'lon qilinmagan.