Rodrygo "Real Madrid"dagi raqobat jamoani kuchaytirayotganini aytdi
"Real Madrid" hujumchisi Rodrygo jamoa ichidagi raqobat muhiti futbolchilarning o'sishiga qanday ta'sir qilishi haqida o'z fikrlari bilan o'rtoqlashdi. Braziliyalik futbolchining so'zlariga ko'ra, Kilian Mbappe, Vinisius va Jud Bellingem kabi yulduzlar bilan bir safda to'p surish har bir o'yinchini o'z ustida ko'proq ishlashga majbur qiladi. Bu haqda Goal.com xabar beradi.
«Valdebebasdagi mashg'ulotlar muhiti nihoyatda raqobatbardosh. Bu bizning o'zimizga bo'lgan yuqori talablarimizga to'la mos keladi.
Atrofingizda mukammallikka intiluvchi futbolchilar bo'lsa, bu tabiiy ravishda barchani kuchliroq qiladi», — deydi hujumchi.
Hozirda Rodrygo tizzasidan olgan jiddiy jarohati sababli 2025-2026 yilgi mavsumning qolgan qismini o'tkazib yuborishga majbur bo'ldi. Shunga qaramay, 25 yoshli forvard kelajakka optimistik ruhda qaramoqda va tiklanish jarayoniga bor e'tiborini qaratgan.
Futbolchi o'zining jismoniy holatini saqlashda intizom, to'g'ri ovqatlanish va dam olishning o'rni beqiyos ekanini ta'kidladi. Uning fikricha, har qanday qiyinchilikni mehnat va o'ziga bo'lgan ishonch orqali yengib o'tish mumkin.
Rodrygo «Real Madrid» safida shu vaqtga qadar 297 ta uchrashuvda maydonga tushib, 71 ta gol urishga muvaffaq bo'lgan. U Madrid klubi bilan uch marta Ispaniya chempionligi va ikki bor Chempionlar ligasi g'olibligini qo'lga kiritgan.
