Bruno Fernandes golli uzatmalar soni bo'yicha Ronalduga yetib oldi
"Manchester Yunayted" sardori Bruno Fernandes Angliya Premyer ligasidagi navbatdagi muvaffaqiyatli o'yinidan so'ng klub tarixidagi rekordlar ro'yxatidan joy oldi. Portugaliyalik yarim himoyachi golli harakatlar soni bo'yicha Krishtianu Ronaldu bilan tenglashib oldi. Bu haqda Goal.com xabar beradi.
"Brentford" jamoasiga qarshi kechgan bahsdagi yorqin harakatlari evaziga Fernandes nafaqat Ronaldu, balki Robin van Persining uzoq yillik natijasini ham takrorlashga muvaffaq bo'ldi. Hozirda u Premyer liganing barcha davrlardagi rekordlariga yaqinlashib bormoqda.
Ushbu natija Fernandesning jamoa uchun qanchalik muhim ekanligini yana bir bor isbotladi. Sardor o'zining barqaror o'yini bilan klub afsonalari qatoridan mustahkam o'rin egallashda davom etmoqda.
