Cristiano Ronaldo Al-Nassr durangidan so'ng tushkunlikka tushdi
Saudiya Arabistoni chempionati doirasida Al-Nassr va Al-Hilal jamoalari o'rtasidagi bahs kutilmagan natija bilan yakunlandi. Uchrashuvning so'nggi daqiqalarida darvozabon Bento yo'l qo'ygan qo'pol xato tufayli Al-Nassr g'alabani qo'ldan boy berdi va yakuniy hisob 1:1 ko'rinishini oldi. Bu haqda Goal.com xabar beradi.
Cristiano Ronaldo 83-daqiqada zaxiraga olinganidan so'ng, zaxira o'rindig'ida o'tirib, jamoasining g'alabani boy berganini ko'rib ko'z yoshlarini tiya olmadi. Portugaliyalik yulduz uchun bu durang chempionlik bayramini ortga surdi va u maydonda sodir bo'lgan voqealardan qattiq ta'sirlandi.
O'yindan so'ng ijtimoiy tarmoqlardagi sahifasi orqali murojaat yo'llagan Cristiano Ronaldo muxlislarni ruhlantirishga harakat qildi. U chempionlik orzusi hali ham yaqin ekanligini va jamoa oldinda turgan so'nggi qadamni tashlashga tayyorligini ta'kidladi.
Endilikda Al-Nassr chempionlikni rasmiylashtirish uchun Damac FC jamoasiga qarshi so'nggi tur uchrashuvida g'alaba qozonishi shart. Shuningdek, jamoani oldinda Gamba Osaka klubiga qarshi Osiyo Chempionlar ligasi ikki finali kutib turibdi.
