Xavi: Neymar taqdirlash marosimida o‘zini yomon tutgani uchun unga o‘zini bosib olishi kerakligini aytdim

«Barselona» jamoasining sobiq yarim himoyachisi Xavi chempionlik nishonlangan tantanali namoyish vaqtida Neymar bilan o‘rtasida kelishmovchilik bo‘lib o‘tganiga izoh berib o‘tdi, deb yozmoqda Kun.uz.

«Avtobus chetida turgan vaqtimda jamodoshlarim oyog‘imdan ko‘tarib, turtib yuborishga harakat qilishdi.

Shunda men ulardan, xususan Neymardan tartibsizlikni to‘xtatishni so‘radim va bor e’tiborni muxlislarga qaratish kerakligini aytdim. Chunki bu namoyish ular uchun bo‘layotgan edi.

Albatta uch-to‘rt krujka pivo ichib olgan vaqtingda o‘zingni haddan ortiq yaxshi his qilib yuborasan, ammo tantana muxlislar uchun bo‘layotgan edi. Ularga minnatdorchilik bildirish kerak, o‘zingdan ketishing esa to‘g‘ri emas», - deydi Xavi.