Ronaldu bir qarorga kelgan: U «Real»ni tark etadi

«Real» hujumchisi Krishtianu Ronaldu mavsum yakuniga yetgach, madridliklar safini tark etmoqchi va bu haqda klub prezidenti Florentino Peresni ogohlantirishga ulgurgan.

Kun.uz nashri tarqatgan xabarga ko‘ra, futbolchining rejasiga qaramasdan, Peres 2018 yilning yozida portugaliyalik yulduzini qo‘yib yuborishni istamayapti.

O‘z navbatida, Ronaldu «Real» bilan shartnomasini uzaytirishdan bosh tortmoqda. Bunda u klubda o‘zini qadrlashmayotganidan nolimoqda. Bundan tashqari, klub yozda Kilian Mbappe («PSJ»ga o‘tishidan oldin) va boshqa yulduzlarni sotib olish harakatiga tushib qolganini ham Ronaldu o‘ziga nisbatan hurmatsizlik deb qaramoqda.