O‘zbekiston futbol federatsiyasining nomi o‘zgardi

Bugun, 25 yanvar kuni O‘zbekiston futbol federatsiyasining navbatdan tashqari hisobot-saylov konferensiyasi bo‘lib o‘tishi haqida xabar bergan edik.

Navbatdan tashqari hisobot-saylov konferensiyasi deyarli bir yarim soatlik kechikish bilan boshlandi. Bu haqda tadbirda qatnashayotgan «Xabar.uz» axborot-tahliliy portalining maxsus muxbiri xabar berdi.

Konferensiya O‘FFning o‘tgan oylardagi faoliyati bilan bog‘liq videorolik namoyishi bilan boshlandi. Qayd etilishicha, O‘zbekiston futbol federatsiyasi endi O‘zbekiston futbol assotsiatsiyasi deb nomlanadi.

Eslatib o‘tamiz, ushbu konferensiyada O‘FF prezidenti Umid Ahmadjonov iste’foga chiqib, o‘rniga boshqa rahbar saylanishi kutilmoqda.