Bugun qur’a. YeChL chorakfinalida kim-kimga raqib bo‘ladi?

Yevropa chempionlar ligasi chorakfinaliga bugun, 16 mart kuni soat 16:00da qur’a tashlanadi.

Musobaqani Bavariya (Germaniya), Barselona (Ispaniya), Liverpul (Angliya), Manchester Siti (Angliya), Real (Madrid, Ispaniya), Roma (Italiya), Sevilya (Ispaniya), Yuventus (Italiya) davom ettirishadi.

Ko‘rib turganingizdek, bu bosqichda Ispaniyaning 3 ta, Angliya va Italiyadan 2 tadan va Germaniyaning 1 ta jamoasi ishtirok etadi.

Bugungi qur’ada jamoalar hech qanday savatchalarga ajratilmaydi. Shuning uchun bir mamlakat klublari o‘zaro to‘qnash kelishi ham mumkin.