Eronlik qizlar futbol uchrashuviga tushish uchun yigitlar qiyofasiga kirishdi

Foto: «Chempionat.com»
Eronlik qizlar mamlakat chempionati doirasida «Persepolis» va «Sepidrud Resht» o‘rtasidagi o‘yinga tushish uchun soqol qo‘yib, yigitlar qiyofasiga kirib olishdi.

Uchrashuv maydon egalarining yirik — 3:0 hisobidagi g‘alabasi bilan yakun topdi va «Persepolis» mamlakatning 11 karra chempioniga aylandi.

Ta’kidlanishicha, Eronda ayollarning futbol uchrashuvlariga tushishini xushlashmaydi. Shuning uchun ham jamoasi chempionlik uchrashuvida qo‘llab-quvvatlash va g‘alabasini nishonlash uchun qizlar stadionga yigitlar qiyofasida kirishga majbur bo‘lishgan.