Italiya kubogi. "Yuventus" finalda "Milan"ni yirik hisobda yengdi

2017/18 yilgi Italiya kubogi final o‘yini bo‘lib o‘tdi. \"Yuventus\" hamda \"Milan\" o‘rtasida kechgan uchrashuv turinliklarning yirik g‘alabasi bilan yakunlandi – 4:0.

56-daqiqada Benatiya hisobni ochgan bo‘lsa, 5 daqiqa o‘tib, Duglas Kosta oradagi farqni 2 taga yetkazdi. 64-daqiqada Benatiya o‘z hisobiga dubl yozib qo‘ydi. 76-daqiqada \"Milan\" hujumchisi Kalinich o‘z darvozasiga kiritib, o‘yindagi so‘nggi golni kiritdi.

\"Yuventus\" qatorasiga 4-marotaba, umumiy hisobda esa 13-bor Italiya kubogini qo‘lga kiritdi. \"Milan\" esa ushbu musobaqada 5 marotaba g‘olib bo‘lgan.

Yuventus – Milan 4:0

Gollar: 1:0 – 56 Benatiya, 2:0 – 61 Duglas Kosta, 3:0 – 64 Benatiya, 4:0 – 76, avtogol Kalinich.
Yuventus – Buffon, Kuadrado, Bardzali, Benatiya, Matyuidi, Asamoa, Xedira, Pyanich (Markizio, 87), Duglas Kosta (Bernardeski, 73), Dibala (Iguain, 83), Manjukich.
Milan – Donnarumma, Bonuchchi, Rodriges, Kalabriya, Romanoli, Bonaventura, Lokatelli (Montolivo, 80), Chalxanoglu, Kessie, Suso (Borini, 68), Kutrone (Kalinich, 62).
Ogohlantirishlar: Duglas Kosta (61), Kalabriya (73).