Nigeriyaga qarshi bahs uchun Argentina tarkibini Messi va Maskerano tanlaydi

Argentina terma jamoasi safida JCh-1986da g‘olib bo‘lgan Rikardo Justi Nigeriyaga qarshi hal qiluvchi bahsda jamoani Lionel Messi va Xaver Maskeranolar boshqarishi haqida aytib o‘tdi.

“Futbolchilar o‘zlari tarkibni tanlashadi va bu haqiqat. Agar Sampaoli istasa, o‘yin davomida zahira o‘rindig‘ida o‘tirishi mumkin. Agar xohlamasa bu muammo emas”, - deydi Justi.

Eslatib o‘tamiz, Argentina dastlabki ikki turdan so‘ng faqat bir ochkoga ega va ular pley-offga chiqishlari uchun so‘nggi turda Nigeriya ustidan g‘alaba qozonishlari shart.