UEFA prezidentligi uchun yangi saylovda Platini yagona nomzod bo‘ladi

Mishel Platini 2015 yilda UEFA prezidentligiga bo‘ladigan yangi saylovda yagona nomzod bo‘ladi. Bu haqida tashkilotning rasmiy sayti xabar qildi.

Saylov 24 mart kuni Vena shahridagi kongressda bo‘lib o‘tkaziladi. Platini saylovda keraklicha ovoz to‘playdigan bo‘lsa, bu uning uchinchi prezidentlik muddati bo‘ladi.

Fransiyalik mutasaddi 2007 yilda Lennart Yoxansson o‘rniga UEFA prezidenti etib saylangandi. 2011 yil esa u 53ta ovoz bilan ikkinchi muddatga ham saylangan. O‘shanda ham Platinidan boshqa nomzod yo‘q edi.

Manba: uff.uz