Vitaliy Denisov “Krilya Sovetov”dan ketgan va yangi kelgan bosh murabbiylar haqida gapirib oʻtdi

Mavsumni Samaraning “Krilya Sovetov” klubida ijara asosida oʻtkazayotgan oʻzbekistonlik himoyachi Vitaliy Denisov jamoada yuz bergan bosh murabbiylar almashuvi borasida oʻz fikrini bildirib oʻtdi.

- Andrey Tixonovning isteʼfosi oldindan kutilganmidi?

- Aytish qiyin. Bir tomondan jamoa uning boshqaruvida xavfli zonaga tushib qoldi. Ikkinchi tomondan futbolchilarga Andrey Valeryevich bilan ishlash ancha qulay edi.

Isteʼfo futbolda doimiy uchrab turadigan narsa. Qarorni rahbariyat qabul qiladi, futbolchilar esa unga rozi boʻlishlari kerak. Bizning Tixonov bilan munosabatlarimiz hozir ham yaxshi.

Jamoaga Miodrag Bojovich yangi bosh murabbiy etib tayinlandi. Bojovich bilan “Lokomotiv”da birga ishlaganmiz va u bilan munosabatlarimiz juda yaxshi.