"Bunyodkor-W" o‘z tarixida ilk bor O‘zbekiston chempionligini qo‘lga kiritdi

Bugun futbol bo‘yicha ayollar jamoalari o‘rtasida o‘tkazilgan mamlakat chempionatining 2018 yilgi mavsumi o‘z nihoyasiga yetdi.

O‘tgan turda “Sevinch”ni mag‘lub etib, birinchi o‘ringa ko‘tarilib olgan “Bunyodkor-W” bu turda ham g‘alabaga erishib, chempionlikni qo‘lga kiritdi. Shu tariqa, “Bunyodkor” o‘z tarixida ilk marta O‘zbekiston chempioni unvonini qo‘lga kiritdi.

12 karra chempion “Sevinch” ham 3 ochkoni rasmiylashtirdi. Biroq chempionlik boy berildi.

3-o‘rin sohibi esa allaqachon aniq bo‘lib ulgurgandi. “Metallurg-W” jamoasi bronza medallarini rasmiylashtirishga erishdi.