Terma jamoa futbolchilariga har bir gʻalaba uchun mukofot pullari beriladi

Xabaringiz bor, bugun Osiyo Kubogi-2019 “F” guruhi 1-turidan oʻrin olgan Oʻzbekiston - Ummon uchrashuvi boʻlib oʻtadi.

Ummonga qarshi oʻyin oldidan kecha Oʻzbekiston Milliy olimpiya qoʻmitasi rahbari, Oʻzbekiston futbol assotsiatsiyasi birinchi vitse-prezidenti Umid Ahmadjonov Sharja shahrida boʻlib turgan Oʻzbekiston milliy terma jamoasi aʼzolari bilan uchrashdi.

Uchrashuv chogʻida Umid Ahmadjonov har bir gʻalaba uchun OʻFA tomonidan mukofot pullari ajratilishini, lekin bu asosiysi emasligi, asosiysi Vatan uchun, ota-onangiz, yaqinlaringiz, xalqingiz uchun toʻp tepish kerakligini aytib oʻtdi.