FIFA kunlari doirasida «Barselona» bir yo‘la ikki futbolchisidan ayrildi

^{Foto: «Tribuna.com»}
«Barselona» himoyachilari Nelson Semedu hamda Samyuuel Umtiti jarohatga yo‘liqdi.
Semedu 7 sentyabr kuni Portugaliya terma jamoasi safida Serbiyaga qarshi o‘yinda shikastlandi. U Aleksandr Kolarov bilan to‘qnashib ketdi va o‘yinni davom ettira olmadi. Hozircha uning jarohati darajasi haqida ma’lumot berilganicha yo‘q.

Aymerik Lyaport o‘rniga Fransiya terma jamoasiga taklif qilingan Samyuuel Umtiti esa terma mashg‘uloti vaqtida jarohat olgan. Shu boisdan Umtiti Albaniyaga qarshi bahsni o‘tkazib yuborgan.

Eslatib o‘tamiz, ayni damda kataloniyaliklarning yetakchilari — Leo Messi va Luis Suares ham jarohatini davolash bilan band.