Odil Ahmedov milliy terma jamoaning oktyabrdagi yig‘inida ishtirok etadi

Xabaringiz bor, 10 va 15 oktyabr kunlari O‘zbekiston milliy terma jamoasi JCh-2022 saralashi doirasida Yaman va Singapurga qarshi o‘yinlar o‘tkazadi.
Terma jamoamiz sardori va \"Shanxay SIPG\" klubi yarim himoyachisi Odil Ahmedov Falastinga qarshi sun’iy maydonda o‘tgan bahsdan so‘ng oyoqlarida og‘riq sezgani bois klubining so‘nggi bahslarida ishtirok eta olmadi. Biroq olingan ma’lumotlarga ko‘ra, bu Ahmedovning oktyabr oyidagi terma jamoa yig‘inida qatnashishiga to‘sqinlik qilmaydi.