Fyodor Yemelyanenko amerikalik raqibini 1-raunddayoq nokautga uchratdi

^{Foto: Twitter}
Yaponiyaning Saitama shahri 28 dekabr, yakshanba kuni MMA bo‘yicha Bellator 237 musobaqasiga mezbonlik qildi.

Kechaning asosiy jangi rossiyalik Fyodor Yemelyanenko hamda amerikalik Kuinton Jekson o‘rtasida kechdi. 3 raundga mo‘ljallangan jang atigi 1 raund davom etdi. Fyodor Kuintonni nokautga uchratib, muddatidan avval g‘alaba qozondi.

Qayd etish joiz, Yemelyanenko avvalroq bu jang faoliyatidagi so‘nggisi bo‘lishini ma’lum qilgandi.