Xorxe Masvidal Makgregor va Serrone o‘rtasidagi jangda kim g‘olib bo‘lishini aytdi

Yarimo‘rta vazn toifasida BMF sovrini sohibi Xorxe Masvidal UFC ikki divizionining sobiq chempioni Konor Makgregor va Donald Serrone o‘rtasidagi jang borasida o‘z taxminlarini bildirdi.

\"Ushbu jang turli ko‘rinishda bo‘lishi mumkin. Konor startda juda yaxshi ishlaydi. Unda ajoyib tezlik bor va aniqlik bor.
Shuning uchun, u startdayoq Serroneni ushlab oladi. Agarda \"Kovboy\" avvalgidek, parterda ishlasa, unda bu Konorga jiddiy muammo bo‘lishi mumkin.
Ammo, Serrone oktagonda urushsa, unda Makgregor dastlabki ikki raund ichida g‘alabani qo‘lga kiritadi,\" - dedi Masvidal.