5 ta klub premer-ligada mavsumni yakunlash va natijalarni bekor qilishni taklif qildi

Kecha Rossiya premer-ligasining barcha 16 ta klubi rahbarlari ishtirokida onlay-konferensiya o‘tkazildi.

Yig‘ilish davomida ayrim jamoalar joriy 2019/20 yilgi mavsumni muddatidan avval yakunlash va hozirgi natijalarni bekor qilish taklifi bilin chiqishdi. Bu taklifni \"Sochi\", \"Rubin\", \"Axmat\", \"Ural\" va \"Krilya Sovetov\" klublari qo‘llab-quvvatlashdi.

Ammo, RPL vakillari ushbu taklifni rad etishdi. Ular chempionat yakunlanishiga bor yo‘g‘i 8 ta tur qolganini va mamlakatdagi epidemiologik vaziyat barqarorlashishi bilan ushbu uchrashuvlar o‘tkazilishini ma’lum qilishdi.