Futbol bo‘yicha O‘zbekiston Kubogi guruh bosqichiga qur’a tashlandi

^{Foto: PFL}
Futbol bo‘yicha Coca-Cola O‘zbekiston Kubogi musobaqasining guruh bosqichiga 23 iyul kuni qur’a tashlandi.
Musobaqaning guruh bosqichida Coca-Cola Superliganing 14 jamoasi va saralash bosqichidan o‘tib kelgan «Oqtepa», «Sho‘rtan» jamoalari o‘zaro bahs yuritadi. Qur’a natijalari bilan tanishing:

A guruhi
OKMK
«Andijon»
«Navbahor»
«Metallurg»

B guruhi
«Nasaf»
«Surxon»
«Qizilqum»
«Mash’al»

C guruhi
«Buxoro»
«Sho‘rtan»
«Lokomotiv»
«So‘g‘diyona»

D guruhi
«Qo‘qon-1912»
«Paxtakor»
«Bunyodkor»
«Oqtepa»
Guruhda o‘yinlari bir uchrashuvdan iborat bo‘ladi. Mezbon va mehmon maqomini oldindan ko‘rsatilgan format bo‘yicha qur’a aniqlab beradi. Qur’a natijasiga ko‘ra, guruhdagi jamoalardan ikkitasi ikki mezbon va bir safar uchrashuvida, yana ikkitasi esa bir mezbon va ikki safar uchrashuvida ishtirok etadi.

Guruhda dastlabki ikki o‘rinni egallagan jamoalar keyingi bosqichga yo‘l oladi. Qur’a yordamida jamoalarning raqibi aniqlanadi. Bunda 1-o‘rinni qo‘lga kiritgan jamoalarga 2-o‘rin egalari raqib bo‘ladi. Guruhlarda 1-o‘rinni egallagan klublar chorak finalni mezbon sifatida, ya’ni o‘z uyida o‘tkazadi.