"Bunyodkor" futbolchisi terma jamoadan chaqiruv oldi

Xabaringiz bor, Srechko Katanes murabbiyligidagi O‘zbekiston milliy terma jamoasi oktabr oyida Toshkentda va Iordaniyada o‘quv-yig‘in mashg‘ulotlari o‘tkazadi.

- \"Yig‘in doirasida Malayziya va Iordaniyaga qarshi o‘rtoqlik uchrashuvi o‘tkazilishi ham rejalashtirilgan. Ahamiyatlisi, mazkur yig‘inga “Bunyodkor” futbolchisi ham boradi. Srechko Katanes jamoamizning iqtidorli, universal futbolchisi Abdulla Abdullayevni ham taklif etdi.

O‘ylaymizki, Abdulla murabbiylar shtabini ishonchini oqlab, milliy terma jamoamizning asosiy o‘yinchilaridan biriga aylanadi va g‘alabalarga hissa qo‘shadi\", - deya xabar tarqatdi \"Bunyodkor\" matbuot xizmati.