"Nasaf" Turkiyada kimlarga qarshi o‘ynaydi?

Qisqa ta’tilga chiqqan “Nasaf” futbolchilari Qarshidagi qarorgohida yig‘ilishdi. Yangi mavsumga tayyorgarlikni Qarshi shahrida olib borayotgan “Ajdarlar” yig‘inning uchinchi bosqichini Turkiyaning Antaliya shahrida olib borishadi.

“Nasaf” matbuot xizmatining yozishicha, xorij yig‘inida Rossiya, Gruziya, Ukraina, Bosniya va Gersegovina, Qozog‘iston va Ruminiya jamoalari bilan nazorat uchrashuvlarida maydonga tushadi. “Ajdarlar” 3 fevral kuni Turkiyaga jo‘nab ketadi.