Stranja—2022. Hasanboy Do‘stmatov rossiyalik bokschini mag‘lub etib, yarim finalga chiqdi

^{Foto: Boks federatsiyasi}
Bolgariyaning Sofiya shahrida boks bo‘yicha xalqaro an’anaviy Stranja Kubogi musobaqasining to‘rtinchi kungi bahslari 23 fevral, chorshanba kuni bo‘lib o‘tmoqdi.

-51 kg vazn toifasida harakat qilayotgan Hasanboy Do‘stmatov rossiyalik Yevgeniy Martinovga qarshi ringga chiqdi. O‘zbekistonlik bokschi raqibiga hech qanday imkoniyat qoldirmadi va 5:0 hisobida g‘alaba qozondi.

Shu tariqa Hasanboy musobaqaning yarim finaliga yo‘l oldi. Final yo‘llanmasi uchun O‘zbekiston vakili ispaniyalik Molina Salvador Martinga qarshi jang qiladi. Molina chorak finalda Qozog‘iston vakili Timur Kabdeshovni taslim etdi.