OʻFA rahbariyati va terma jamoa bosh murabbiyi hisobot beradi

Oʻzbekiston futbol assotsiatsiyasi tomonidan 2022 yilda koʻplab yirik musobaqalar va tadbirlar oʻtkazilishi, jamoalarimiz xalqaro musobaqalarda ishtirok etishi rejalashtirilgan.

Bu borada toʻliq ma'lumot berish, yangi mavsumdagi rejalar bilan tanishtirish, terma jamoalarimiz faoliyatini sarhisob qilish maqsadida matbuot anjumani tashkil etiladi. Unda OʻFA rahbariyati, mutasaddilar hamda milliy jamoalar bosh murabbiylari ishtirok etadi.

Matbuot anjumani 1-mart kuni, soat 16:00 da boshlanadi. Unda akkreditatsiyadan oʻtgan barcha OAV vakillari ishtirok etishlari mumkin.