Saraton xastaligiga qarshi dori yaratilishiga oz qoldi

^{Foto: «Ferra»}
So‘nggi yillarda olimlar turli saraton xastaliklarini davolash borasida sezilarli siljishga erishdilar. Pfizer farmatsevtika kompaniyasi bosh direktori Albert Burlaning aytishicha, yaqin kelajakda saratonga qarshi dori yaratiladi.

^{Albert Burla.
Foto: RBK}
«Ilm-fan saraton yo‘nalishida yetuklik darajasiga chiqdi, yaqin yillarda amaldagi davolash usullari jiddiy o‘zgarishiga guvoh bo‘lamiz», — dedi Albert Burla.

Burla, shuning barobarida, boshqa kasalliklar haqida bunchalik optimist emasligini yashirmadi. Biroq saraton masalasida olimlar maqsadga juda yaqin turishibdi, ta’kidladi u.

Pfizer rahbari ilmiy hamjamiyatning COVID-19ga qarshi kurashdagi muvaffaqiyatiga ham to‘xtaldi: «Agarda vaksinalar va davolash usullari to‘g‘ri qo‘llanilsa, dunyoda koronavirusdan bitta ham o‘lim holati qolmaydi».