Armanistonning ilk sun’iy yo‘ldoshi fazoga olib chiqildi

^{Foto: «ArmenPress»}
Bosh vazir Nikol Pashinyan Armaniston tarixidagi ilk sun’iy yo‘ldosh fazoga olib chiqilganini vazirlar mahkamasi yig‘ilishida ma’lum qildi. Bu haqda «ArmenPress» xabar berdi.

2022 yilning 25 may kuni Yerevan vaqti bilan soat 22:35 da AQSHning Kanaveral kosmodromidan start berilgan «SpaceX» kompaniyasining Falcon 9 raketasi ilk arman fazoviy yo‘ldoshini Yer orbitasiga olib chiqqan.

Pashinyanning qo‘shimcha qilishicha, Armanistonning «Geokosmos» davlat kompaniyasi va Ispaniyaning «Satlantis» kompaniyasi hamkorligida ushbu natijaga erishildi.