Akula va krossovka shaklidagi kompyuterlar taqdim etildi

Kompyuterlar va aksessuarlar ishlab chiqaruvchi Cooler Master kompaniyasi o‘zining noodatiy dizayndagi kompyuter va turli gadjetlari bilan ajralib turadi.

^{Foto: Europa Plus}
2023 yilda kompaniya krossovka ko‘rinishidagi Sneaker X o‘yinlar uchun maxsus kompyuterini taqdim etgan edi. 2024 yilda bo‘lib o‘tgan Consumer Electronics Show — Maishiy elektronika ko‘rgazmasida akula ko‘rinishidagi Shark X nomli kompyuterini namoyish qildi.

^{Foto: Europa Plus}
Sneaker X va Shark X qurilmalar umumiy jihatga ham ega: Ikkala kompyuterda Intel Core i9-14900KF protsessori va MSI GeForce RTX 4070 Ti Gaming videokartasi joylashtirilgan. Bundan tashqari, har bir korpusda 32 Gb operativ xotira mavjud.

^{Foto: Europa Plus}
Cooler Master kompaniyasi ta’kidlashicha, shaxsiy kompyuterlar korpusi to‘liq yangilanishi mumkin, biroq yangi komponentlar kompyuter tashqi ko‘rinishidagi estetikani buzish ehtimoli bor. Sneaker X to‘plamiga qo‘shimcha ravishda maxsus nakleykalar kiritiladi.

^{Foto: Europa Plus}
Ishlab chiqaruvchi Shark X 2024 yilning ikkinchi choragida sotuvga qo‘yilishini e’lon qildi. Uning narxi salkam 7000 dollarni tashkil qiladi.