iPhone 7 va 7 Plus’da yangi muammo aniqlandi (video)

Ilk xaridorlar iPhone 7 va 7 Plus’da noodatiy muammoni aniqladi, deb yozadi «Hi-tech.mail.ru»ga asoslanib \"Daryo\" xabar berdi. Qurilmaga ko‘p vazifa yuklatilganida u vishillashga o‘xshash g‘alati tovush chiqaradi.

YouTube’dagi DetroitBORG va 512 Pixels kanallari mualliflari muammo haqida tasavvur hosil qiladigan videoni joyladi. U HissGate deb nomlandi.

512 Pixels kanali yaratuvchisi Stiven Xakett ta’kidlashicha, Apple’dagilar allaqachon muammodan xabardor qilingan. Bunday xususiyat muayyan partiyadagi iPhone 7 va 7 Plus’da kuzatilishi taxmin qilinmoqda.

Vishillaydigan smartfonlarni 5—7 kun ichida bunday tovush chiqarmaydigan qurilmalarga almashtirish mumkin. Apple vaziyatga rasman izoh berganicha yo‘q.