Rossiyada RGB-Mini LED texnologiyali TCL RM7L televizorlari sotuvi boshlandi

TCL kompaniyasi Rossiya bozorida yuqori yorqinlik va aniq rang uzatishni taʼminlovchi RGB-Mini LED texnologiyasiga ega RM7L seriyali televizorlarini taqdim etdi. Yangi modellar BT.2020 standarti boʻyicha 100 foizgacha rang qamrovini qoʻllab-quvvatlaydi va 120 bitli rangni qayta ishlash tizimi bilan jihozlangan. Bu haqda Ixbt.com xabar beradi.

98 dyuymli modelda mahalliy xiralashtirish zonalari soni 2 880 tagacha yetadi, HDR choʻqqi yorqinligi esa 2000 nitni tashkil etadi. Televizorlar 144 Hz yangilanish tezligi va 288 Hz gacha boʻlgan VRR diapazonini, shuningdek, MEMC 120 Hz va FreeSync Premium Pro texnologiyalarini qoʻllab-quvvatlaydi.

Dolby Vision IQ, HDR10+, HLG va IMAX Enhanced funksiyalari kontentning realistik koʻrinishini taʼminlaydi. Dolby Atmos va DTS:X texnologiyalariga ega Onkyo audiotizimi esa hajmdor tovush sahnasini yaratadi.

Televizorlar Google TV platformasida ishlaydi, ovozli boshqaruv, AirPlay 2, Bluetooth 5.4 va Wi-Fi interfeyslariga ega. Qurilmaning unumdorligi uchun 3 GB tezkor va 64 GB ichki xotiraga ega apparat platformasi masʼuldir. Modellar 65, 75, 85 va 98 dyuymli oʻlchamlarda taklif etilmoqda.