Telegram yangi funksiyani sinovdan o‘tkazmoqda

Telegram messenjeri foydalanuvchilar qo‘shilgan kanallarni alohida \"yangiliklar lentasi\"ga guruhlash imkonini beruvchi funksiyani sinovdan o‘tkazmoqda. Bu haqida Telegram Beta kanalida xabar berildi, deb yozadi Kun nashri.

Funksiya ilovaning macOS uchun beta-versiyasiga qo‘shilgan, biroq mahalliy vaqt bilan soat 13:30ga borib u server tomonidan o‘chirib qo‘yilgan.

Agar yangi funksiya joriy qilinsa, foydalanuvchilar kanallarni \"Lenta\" (Feed)ga qo‘shishlari mumkin bo‘ladi, shunda butun guruh uchun xabarlarni o‘chirib qo‘yiladi va ular asosiy kontaktlar ro‘yxatiga xalaqit bermaydi.