Beeline eng yaxshi sportchilarni tabrikladi

“Beeline” kontinental va jahon birinchiliklari sovrindorlari bo‘lmish o‘nlab yosh sportchilarga zamonaviy smartfonlarni taqdim etdi. Taqdirlash marosimi 25 dekabr kuni Olimpiya shon-shuhrati muzeyida bo‘lib o‘tdi.

2015 yilda O‘zbekiston sportchilari Bolgariya, Bosniya va Gersegovina, Olmoniya, Gresiya, Gruziya, Hindiston, Indoneziya, Italiya, Qozog‘iston, Xitoy, Malayziya, Portugaliya, Rossiya, Singapur, Tailand, Fransiya, Chexiya, Janubiy Koreya va Yaponiya mamlakatlarida bo‘lib o‘tgan nufuzli musobaqalarda 138 oltin, 79 kumush va 90 bronza medallari qo‘lga kiritganlar.