Xiaomi narxi 65 dollar bo‘lgan smartfon chiqaradi

Xitoyda Xiaomi’ning yangi smartfoni sertifikatlashdan o‘tdi. Ma’lumotlarga ko‘ra, uning narxi 700 yuan, taxminan 65 dollar bo‘ladi va Redmi brendi ostida ishlab chiqariladi, deb xabar bermoqda Kun.uz.

Narxning bu qadar arzonligiga qaramay, smartfon yaxshi ko‘rsatkichlarga ega. Unga 4,7 dyuymli HD-ekran, 1,6 GGs chastotada ishlaydigan to‘rt yadroli Leadcore prosessori, 8 Mp kamera, 1 GB tezkor hamda 8 GB doimiy xotira o‘rnatilgan. Smartfon 2ta SIM kartada ishlash imkoniga ega.

Hozircha smartfonning qachon sotuvga chiqishi noma’lum.

Foto: Kun